विनायक पाटील
पेण, ता. १२ : पेण शहरातील कौशिकी हॉल, दत्तनगर येथे कै. पांडुरंग विठ्ठल घांग्रेकर स्मृती चषक राज्यस्तरीय एकपात्री अभिनय स्पर्धा उत्साहात संपन्न झाली. दत्त अवधुत एंटरटेनमेंट, स्वररंग पेण आणि दर्पण व्हिजन एंटरटेनमेंट यांच्या संयुक्त विद्यमाने आयोजित या स्पर्धेत रायगडसह ठाणे, मुंबई, पुणे, डोंबिवली, अलिबाग, रोहा, धुळे येथून स्पर्धकांनी सहभाग घेतला होता.
विजेतेपदाचा ठसा
स्पर्धेत मोठा गट आणि छोटा गट या दोन विभागांमध्ये प्रतिस्पर्धा झाली.
मोठ्या गटातील विजेते:
🥇 प्रथम क्रमांक: निकिता घाग
🥈 द्वितीय क्रमांक: मनाली करुणा संजय इंगळे
🥉 तृतीय क्रमांक: चेतन पाटील
🎖️ उत्तेजनार्थ: केतन सुभाष गवळी
🌟 विशेष पुरस्कार: प्रकाश पाटील व श्रुती नाईक
छोट्या गटातील विजेते:
🥇 प्रथम क्रमांक: दुर्वा सुशांत झावरे
🥈 द्वितीय क्रमांक: तपस्या भानुदास पाटील
🥉 तृतीय क्रमांक: आराध्य समीर पाटील
🎖️ उत्तेजनार्थ: स्मंद मंदार कोठेकर
🌟 विशेष पुरस्कार: अर्णव शिंदे व विहान नाईक
कार्यक्रमाचे उद्घाटन रंगकर्मी राजन पांचाळ, निर्माता संतोष पाटील आणि परीक्षकांच्या हस्ते करण्यात आले. परीक्षक म्हणून विनोदी अभिनेते जयवंत भालेकर, दिग्दर्शक देवेंद्र सरदार आणि लेखिका दर्शन कुलकर्णी यांनी योग्य मूल्यांकन केले. सूत्रसंचालन वैभवी म्हात्रे आणि हरेश पाटील यांनी केले.
या यशस्वी कार्यक्रमामागे कौस्तुभ विलास भिडे यांच्यासह आयोजक मंडळातील शाल्मली भिडे, दिव्या घाडगे, स्वप्नील साने, अजित साळवी, किरण देव आदींचे विशेष योगदान होते. प्रायोजक म्हणून दत्त अवधुत एंटरप्रायझेस आणि सह-प्रायोजक म्हणून आर्य क्लासेसचे अपूर्वा साठे यांची मोलाची साथ मिळाली. कार्यक्रम DATTA AVADHOOT ENTERTAINMENT युट्युब चॅनेलवर थेट प्रसारित करण्यात आला.
एकपात्री अभिनय म्हणजे एकाच कलाकाराने विविध भावनांचा, व्यक्तिमत्त्वांचा आणि विचारांचा प्रभावी आविष्कार करून प्रेक्षकांपर्यंत पोहोचवण्याचे कौशल्य. “हे माध्यम स्थानिक कलाकारांना व्यासपीठ मिळवून देण्याचे प्रभावी साधन आहे,” असे अभिनेते देवेंद्र सरदार यांनी मनोगतात स्पष्ट केले.
दत्त अवधुत एंटरटेनमेंट प्रोडक्शन हाउसद्वारे ‘DAE’ हे OTT अ‍ॅप लवकरच सुरू होणार असून, नवोदित कलाकारांना संधी व आधार देण्याचे वचन निर्माता कौस्तुभ भिडे यांनी कार्यक्रमाच्या सांगता भाषणात व्यक्त केले.