श्रीवर्धन | अनिकेत मोहित
श्रीवर्धन नगरपरिषदेच्या सार्वत्रिक निवडणुकीची रणधुमाळी आता रंग घेऊ लागली आहे. आगामी 2025 च्या निवडणुकीसाठी आरक्षण आणि प्रभागनिहाय सोडत कार्यक्रम बुधवारी (दि. 8 ऑक्टोबर) नगरपरिषद कार्यालयात पार पडला. मुख्याधिकारी श्री. विराज लबडे आणि उपजिल्हाधिकारी महेश पाटील यांच्या उपस्थितीत झालेल्या या सोडतीत थेट नगराध्यक्ष पद “नागरिकांचा मागास प्रवर्ग” या वर्गासाठी आरक्षित ठरले आहे.
या निर्णयामुळे येणारी निवडणूक अधिकच चुरशीची होणार असल्याचे स्पष्ट झाले आहे.
मागील निवडणुकीचा पार्श्वभूमी
मागील निवडणुकीत राष्ट्रवादी काँग्रेसचे माजी नगराध्यक्ष देवेंद्र भुसाणे आणि शिवसेनेचे अतुल चौगुले यांच्यात थरारक सामना झाला होता. अवघ्या ७४ मतांच्या फरकाने चौगुले यांना पराभव स्वीकारावा लागला होता. यावेळी मात्र दोन्ही पक्षांतील फूट, तसेच नव्याने उभे राहिलेले दोन राजकीय पक्ष या पार्श्वभूमीवर निवडणूक अधिक रंगतदार आणि बहुकोनी होणार आहे.
शिवसेना (उद्धव बाळासाहेब ठाकरे) पक्षाची तयारी
आरक्षण जाहीर होताच शिवसेना (उद्धव बाळासाहेब ठाकरे) पक्षाने आपला नगराध्यक्ष पदासाठीचा उमेदवार जाहीर केला आहे. पक्षाने पुन्हा एकदा अतुल चौगुले यांच्यावर विश्वास दाखवत त्यांना उमेदवारी देण्याचा निर्णय घेतला आहे. शिवसेना (उद्धव बाळासाहेब ठाकरे) पक्षाचे श्रीवर्धन शहरप्रमुख शिवराज संदीप चाफेकर यांनी सांगितले की, पक्ष नगरपरिषदेच्या सर्व २० जागांवर उमेदवार उभे करणार आहे.
🔹 प्रभागनिहाय आरक्षण जाहीर
२० सदस्यीय नगरपरिषदेच्या प्रभागनिहाय आरक्षणाची यादी देखील जाहीर करण्यात आली आहे. या आरक्षणात मागास प्रवर्ग, अनुसूचित जाती-जमाती आणि महिलांसाठी आरक्षित जागांचे योग्य प्रमाण राखण्यात आले आहे.
| क्र. | प्रभाग | जागा | आरक्षण प्रकार |
|---|---|---|---|
| 1 | प्रभाग 1 अ | 1 | नागरिकांचा मागास प्रवर्ग |
| 2 | प्रभाग 1 ब | 1 | सर्वसाधारण (महिला) |
| 3 | प्रभाग 2 अ | 2 | अनुसूचित जमाती |
| 4 | प्रभाग 2 ब | 2 | सर्वसाधारण (महिला) |
| 5 | प्रभाग 3 अ | 3 | नागरिकांचा मागास प्रवर्ग (महिला) |
| 6 | प्रभाग 3 ब | 3 | सर्वसाधारण |
| 7 | प्रभाग 4 अ | 4 | सर्वसाधारण (महिला) |
| 8 | प्रभाग 4 ब | 4 | सर्वसाधारण |
| 9 | प्रभाग 5 अ | 5 | अनुसूचित जाती (महिला) |
| 10 | प्रभाग 5 ब | 5 | सर्वसाधारण |
| 11 | प्रभाग 6 अ | 6 | नागरिकांचा मागास प्रवर्ग (महिला) |
| 12 | प्रभाग 6 ब | 6 | सर्वसाधारण |
| 13 | प्रभाग 7 अ | 7 | नागरिकांचा मागास प्रवर्ग (महिला) |
| 14 | प्रभाग 7 ब | 7 | सर्वसाधारण |
| 15 | प्रभाग 8 अ | 8 | सर्वसाधारण (महिला) |
| 16 | प्रभाग 8 ब | 8 | सर्वसाधारण |
| 17 | प्रभाग 9 अ | 9 | नागरिकांचा मागास प्रवर्ग |
| 18 | प्रभाग 9 ब | 9 | सर्वसाधारण (महिला) |
| 19 | प्रभाग 10 अ | 10 | अनुसूचित जमाती (महिला) |
| 20 | प्रभाग 10 ब | 10 | सर्वसाधारण |
निवडणूक चुरशीची – सत्ता टिकवायची की उलथवायची?
“सत्तेची पुनरावृत्ती की सत्ता परिवर्तन?” हा प्रश्न श्रीवर्धनच्या राजकीय वर्तुळात चर्चेचा विषय ठरत आहे.
आगामी काही दिवसांत उमेदवारी अर्ज दाखल करण्याच्या हालचालींना वेग येईल, आणि पक्षांच्या रणनीती स्पष्ट होतील.
राजकीय समीकरणे, नवीन गठबंधन आणि स्थानिक नेतृत्वाचे गणित लक्षात घेता, श्रीवर्धनची निवडणूक 2025 ही प्रचंड चुरशीची आणि निर्णायक ठरणार आहे.