नवी मुंबई : आज पहाटे वाशी खाडी पुलावर झालेल्या भीषण अपघात दोन पुरुष आणि एका महिलेचा मृत्यू झाला आहे. मुंबई मार्गिकेवर सदर अपघात झाला असून अपघातात मृत्यू झालेल्याची नावे अद्याप समोर आलेली नाहीत.
पनवेल कडून मुंबईच्या दिशेने एक एर्टीगा गाडी जात होती. पहाटे साडे चारच्या सुमारास गाडी चालकाचे वेगावरील नियंत्रण सुटले आणि गाडीने समोरील एका चालत्या डंपरला जोरदार धडक दिली. अपघात एवढा भीषण झाला की गाडीतील एक पुरुष आणि एका महिलेचा जागीच मृत्यू झाला आहे. अपघातग्रस्त गाडी बाजूला करून वाहतूक सुरळीत करण्यात आली आहे. पुढील कारवाई वाशी पोलीस करीत आहेत. अशी माहिती वाहतूक पोलीस निरीक्षक दिलीप गुजर यांनी दिली.