अब्दुल सोगावकर
सोगाव : वादळी वारा व पावसामुळे प्रवाशांच्या सुरक्षेच्या दृष्टीने आज गेटवे – मांडवा या जलमार्गावरील जलवाहतूक सेवा वातावरण सुरळीत होईपर्यंत बंद करण्यात आली आहे. या मार्गाने प्रवास करताना प्रवाशांनी चौकशी करूनच प्रवास करावा अशी सूचना सेवा देणाऱ्या जलसंस्था यांच्यावतीने करण्यात आली आहे.
गेटवे – मांडवा अलिबाग या जलमार्गाने दररोज हजारो पर्यटक व इतर प्रवासी प्रवास करत असतात, मात्र बुधवारी अचानक वातावरणात बदल होऊन वादळी वाऱ्यासह जोरदार पाऊस कोसळत असल्याने सुरक्षेच्या दृष्टीने आज गुरुवार, दि. ८ मे रोजी या मार्गावरील जलवाहतूक वातावरण सुरळीत होईपर्यंत बंद करण्यात आली असल्याचे सांगितले आहे. यामुळे दररोज प्रवास करणाऱ्या प्रवाशांचे हाल झाले आहेत.