कोणताही ग्रामसेवक पदभार घेण्यास इच्छुक नाही
अमूलकुमार जैन
अलिबाग : ठाकरे कुटुंबातील जमिनीच्या वादानंतर रायगडमधील मुरुड तालुक्यातील कोर्लई ग्रामपंचायतीचा कार्यभार स्वीकारण्यास एकाही ग्रामसेवकाला रस नाही. जोपर्यंत कोणी पदभार घेत नाही तोपर्यंत ग्रामपंचायतीचे दरवाजे बंद करण्याची नोटीस सरपंचांनी लावली आहे.
रश्मी ठाकरे आणि मनीषा वायकर यांची कोर्लई येथे जमीन आहे. रश्मी या माजी मुख्यमंत्री उद्धव ठाकरे यांच्या पत्नी आहेत, तर मनीषा या जोगेश्वरीचे (पूर्व) आमदार रवींद्र वायकर यांच्या पत्नी आहेत. माजी खासदार किरीट सोमय्या यांनी 18 बेपत्ता बंगल्यांच्या चौकशीची मागणी केली होती आणि आरोप केला होता की त्यांची जमीन कोस्टल रेग्युलेशन झोन (CRZ) अंतर्गत येत आहे आणि अरबी समुद्र किनारपट्टीपासून 200 मीटर आत आहे.
पूर्वीचे मालक, अन्वय नाईक यांनी बंगले बांधले होते आणि त्यांनी ग्रामपंचायतीकडून घर क्रमांक असलेल्या बंगल्यांसाठी कर नोंदी घेतल्या होत्या. सीआरझेडचे उल्लंघन आणि बँकांनी प्रकल्पाला वित्तपुरवठा करण्यास नकार दिल्याने रायगड कलेक्टरची परवानगी न मिळाल्याने नाईक यांनी सर्व 18 बांधकामे पाडली होती. त्यानंतर, नाईक यांनी बांधकामे पाडली आणि 2014 मध्ये रश्मी आणि मनीषा यांना जमीन विकली. वाद सुरू झाल्यापासून तक्रारींचा पंचनामा झाला. रेवदंडा पोलीस ठाण्यात तत्कालीन गटविकास अधिकारी श्रीमती भांगरे यांनी काही ग्रामसेवकांसहित सरपंच यांच्याविरुद्ध तक्रार केली नंतर काही अटक करण्यात आली आणि त्यानंतर आरोपींची जामिनावर सुटका करण्यात आली. त्यामुळे ग्रामसेवक कोर्लई ग्रामपंचायतीत कार्य करण्यास घाबरतात.
कोणताही पर्याय नसताना, ३१ जुलै रोजी कोर्लई ग्रामपंचायतीने ग्रामसेवक रुजू होईपर्यंत ग्रामपंचायत कार्यालय बंद ठेवण्यासाठी एक उपाय मांडला आणि तसा ठराव केला. बुधवारी नोटीस बोर्डवर जाहीर सूचना लावण्यात आली होती. प्रशांत मिसाळ हे शिवसेना उद्धव ठाकरे गटाचे उपजिल्हाप्रमुख हे ग्रामपंचायतीचे नेतृत्व करत आहेत आणि विद्यमान सरपंच म्हणून राजश्री मिसाळ कार्यरत आहेत.
एका ग्रामसेवकाला कोर्लई ग्रामपंचायतचा कार्यभार घेण्याचे सांगण्यात आले मात्र सदर ग्रामसेवक यांच्याकडे पूर्वीपासून दोन ग्रामपंचायत चा कार्यभार असल्याने त्यांनी कोर्लई ग्रामपंचायतीचा अतिरिक्त कार्यभार धारण करण्यास नकार दिला आहे.
रायगड जिल्हा परिषदेचे मुख्य कार्यकारी अधिकारी भारत बस्तेवाड यांच्याशी संपर्क साधला असता ते म्हणाले, “आम्ही या समस्येकडे लक्ष देऊ.”
| मुरुड पंचायत समितीमध्ये दोन ग्रामसेवक कोणत्याही पदाशिवाय कार्यरत असल्याचे सूत्रांचे म्हणणे आहे, परंतु काही ग्रामसेवकांकडे दोन किंवा अधिक ग्रामपंचायतींचा कार्यभार देण्यात आला आहे. मुरूड पंचायत समिती येथे एक ग्रामसेवक यांना मुरूड तालुक्यात हजर होऊन जवळपास तीस महिन्यांचा कालावधी झाला तरी त्यांना तालुक्यातील कुठल्याही ग्रामपंचायत ची जबाबदारी देण्यात आली नाही.तसेच दुसरी महिला ग्रामसेविका या जून महिन्यात मुरूड तालुक्यात हजर झाल्या आहेत त्यांनाही कोणतीच ग्रामपंचायत न देता पंचायत समिती येथे बसवून ठेवण्यात आले आहे. |