बोर्ली पंचतन | अभय पाटील
महाराष्ट्र राज्य माध्यमिक व उच्च माध्यमिक शिक्षण मंडळाद्वारे फेब्रुवारी २०२६ मध्ये घेण्यात आलेल्या इयत्ता बारावीच्या (HSC) परीक्षेत बोर्ली पंचतन येथील श्री नानासाहेब कुळकर्णी कनिष्ठ महाविद्यालयाने देदीप्यमान यश संपादन केले आहे. महाविद्यालयाचा एकूण निकाल ९७.६८ टक्के लागला असून, विज्ञान शाखेने शंभर टक्के निकालाची आपली परंपरा यावर्षीही कायम राखली आहे.
शाखानिहाय निकालाचा तपशील
महाविद्यालयातून यावर्षी तिन्ही शाखांमधून एकूण २१६ विद्यार्थी परीक्षेला बसले होते, त्यापैकी २११ विद्यार्थी उत्तीर्ण झाले.
- विज्ञान शाखा: या शाखेतून ४७ विद्यार्थी परीक्षेस बसले होते आणि सर्वच्या सर्व ४७ विद्यार्थी उत्तीर्ण झाल्याने निकाल १०० टक्के लागला.
- वाणिज्य शाखा: ९९ पैकी ९६ विद्यार्थी उत्तीर्ण झाले असून या शाखेचा निकाल ९६.९६ टक्के लागला. विशेष म्हणजे, महाविद्यालयाच्या तिन्ही शाखांतून प्रथम येण्याचा मान वाणिज्य शाखेच्या विद्यार्थ्यांनी पटकावला.
- कला शाखा: ७० पैकी ६८ विद्यार्थी उत्तीर्ण झाले असून या शाखेचा निकाल ९७.०० टक्के लागला.
गुणवंत विद्यार्थी
१. वाणिज्य शाखा (महाविद्यालयातही प्रथम):
- प्रथम: मनस्वी ज्ञानदीप भोईनकर (८३.३३%)
- द्वितीय: विघ्नेश दत्तात्रेय गोविलकर (७७.३३%)
- तृतीय: भावना सुनील चव्हाण (७०.३३%)
२. विज्ञान शाखा:
- प्रथम: सानवी प्रमोद वरणकर (६६.१७%)
- द्वितीय: स्वराली निलेश मोरे (६६.००%)
- तृतीय: भावीत संतोष बिराडी (६४.८३%)
३. कला शाखा:
- प्रथम: श्रावणी रुपेश पुसाळकर (६१.६७%)
- द्वितीय: नेहा गोपाळ चोगले (५४.१७%)
- तृतीय: अथर्व बाळकृष्ण बिराडी (५३.६७%)
अभिनंदनाचा वर्षाव
या घवघवीत यशाबद्दल जनता शिक्षण संस्थेचे पदाधिकारी, महाविद्यालयाचे प्राचार्य आणि शिक्षक वृंदांनी उत्तीर्ण विद्यार्थ्यांचे कौतुक केले आहे. विद्यार्थ्यांच्या कष्टाला शिक्षकांच्या योग्य मार्गदर्शनाची जोड मिळाल्यानेच हे यश शक्य झाल्याची भावना यावेळी व्यक्त करण्यात आली. सर्व यशस्वी विद्यार्थ्यांवर पंचक्रोशीतून अभिनंदनाचा वर्षाव होत आहे.