महिलेच्या इच्छेविरुद्ध जबरदस्ती व मुलीच्या विनयभंग प्रकरणी आरोपीवर खंडणी व पोक्सो अंतर्गत गुन्हा दाखल

घनःश्याम कडू
उरण : फिर्यादी महिलेच्या इच्छेविरुद्ध वारंवार जबरदस्ती करून ब्लॅकमेल करणे व मुलीवर रेप करण्याची धमकी देत तिचा विनयभंग केल्याप्रकरणी उरण पोलीस ठाण्यात आरोपी विरोधात उरण पोलीस ठाण्यात खंडणी व पोक्सो अंतर्गत गुन्हा दाखल करण्यात आला आहे.

फिर्यादीने दिलेल्या तक्रारीमध्ये जून 2023 पासून आजतागायत आरोपीने सतत फिर्यादीचे घरी उरण येथे व आरोपीच्या राहते घरी वाणी आळी येथे फिर्यादीला बोलावून तिच्या इच्छेविरुद्ध, संमती शिवाय वारंवार जबरदस्ती केली. तसेच फिर्यादीचे व्हिडीओ व फोटो काढून ते दाखवून व्हायरल करण्याची धमकी आरोपीने देऊन 20 हजार रुपये घेऊनही फिर्यादीस वारंवार अर्वाच्य भाषेत शिविगाळ करून तू जर माझे सांगणे प्रमाणे केले नाहीस तर मुलीवर रेप करेन अशी दमदाटी करण्यास सुरुवात केली. त्यानंतर आरोपीने फिर्यादीच्या 6 वर्षाच्या मुलीचा विनयभंग करण्याचा प्रयत्न केला. त्यापुढे जाऊन आरोपी फिर्यादीस रस्त्यात अडवून सतत पैशाची मागणी करीत होता. आरोपीच्या पत्नीने फिर्यादीस दमदाटी व आवर्च भाषेत शिविगाळ करून धक्काबुक्की केली. फिर्यादीचे पती यांना आरोपीचे अश्‍लील व्हिडीओ व फोटो दाखवीत यांचेकडे 50 व 80 हजारांची सतत मागणी केली. तसेच फिर्यादीकडे 20 हजारांची मागणी केली. संगनमताने फिर्यादी विरोधात कट रचल्याचा आरोप ठेवून उरण पोलीस ठाण्यात गुन्हा दाखल करण्यात आला आहे.

आरोपी विरोधात गुन्हा रजिस्टर नंबर 32/2024 भादवी कलम 376, 376(2)(ज), 376(2)(न), 452, 509, 384, 354, 354(अ), 354(ड), 341, 323, 504, 506, सह लैगिक अपराधांपासून बालकांचे संरक्षण अधिनियम, 2012 चे कलम 12 प्रमाणे तसेच खंडणीचा गुन्हा दाखल करण्यात आला आहे. अधिक तपास वरिष्ठ पोलीस निरीक्षक सतीश निकम यांच्या मार्गदर्शनाखाली सपोनि आर. सी. घनवट करीत आहेत.