मंगळवार, १७ नोव्हेंबर २०२६ | सामान्य जनतेचे हक्काचे व्यासपीठ
ब्रेकिंग न्यूज

माणगावमध्ये बेकायदेशीर जुगार अड्ड्यावर पोलिसांचा छापा; २५ जणांवर गुन्हा दाखल, २० लाखांचा मुद्देमाल जप्त

माणगाव तालुक्यातील मुंबई-गोवा महामार्गालगत ढालघर परिसरातील एका इमारतीत सुरू असलेल्या जुगार अड्ड्यावर माणगाव पोलिसांनी छापा टाकला. या कारवाईत २५ जणांवर गुन्हा दाखल करण्यात आला असून, रोख रक्कम, मोबाईल आणि वाहनांसह सुमारे २० लाख ७० हजार ६९० रुपयांचा मुद्देमाल जप्त करण्यात आला आहे.
मुख्य संपादक
सोमवार, २ नोव्हेंबर २०२६ | संध्याकाळी ९:२६ ● ५५६ वाचन (Views)
माणगावमध्ये बेकायदेशीर जुगार अड्ड्यावर पोलिसांचा छापा; २५ जणांवर गुन्हा दाखल, २० लाखांचा मुद्देमाल जप्त
जाहिरात (Advertisement)
माणगाव (सलीम शेख)

रायगड जिल्ह्यातील माणगाव येथे मुंबई-गोवा महामार्गालगत सुरू असलेल्या एका बेकायदेशीर जुगार अड्ड्यावर माणगाव पोलिसांनी धाड टाकून मोठी कारवाई केली आहे. या कारवाईत २५ जणांविरुद्ध गुन्हा दाखल करण्यात आला असून, रोख रक्कम, मोबाईल, जुगाराचे साहित्य आणि वाहनांसह सुमारे २० लाख ७० हजार ६९० रुपयांचा मुद्देमाल जप्त करण्यात आला आहे.

जाहिरात (Advertisement)
मुंबई-गोवा महामार्गावरील मौजे ढालघर गावच्या हद्दीत, हॉटेल कार्तिकसमोर असलेल्या नारायण गंगाराम शेठ यांच्या इमारतीत काही जण आर्थिक फायद्यासाठी पत्त्यांचा डाव मांडून 'तीन पत्ती' हा जुगार खेळत असल्याची गोपनिय माहिती पोलिसांना मिळाली होती. या माहितीच्या आधारे २ नोव्हेंबर रोजी दुपारी १ वाजण्याच्या सुमारास पोलिसांनी सदर ठिकाणी अचानक छापा टाकला.

या धडक कारवाईत पोलिसांनी जुगार खेळणाऱ्या आणि चालवणाऱ्या एकूण २५ जणांना ताब्यात घेतले. त्यांच्याविरुद्ध महाराष्ट्र जुगार प्रतिबंधक अधिनियमाच्या कलम ४ व ५ अन्वये गुन्हा दाखल करण्यात आला आहे. घटनास्थळावरून जुगाराचे साहित्य, रोख रक्कम, मोबाईल फोन तसेच जुगारी व संशयितांची वाहने असा एकूण २० लाख ७० हजार ६९० रुपयांचा मुद्देमाल जप्त करण्यात आला आहे.

ही धडक कारवाई रायगड जिल्हा पोलीस अधीक्षक आंचल दलाल, अप्पर पोलीस अधीक्षक अभिजित शिवथरे यांच्या मार्गदर्शनाखाली माणगाव पोलीस ठाण्याचे निरीक्षक मारुती आंधळे आणि त्यांच्या सहकाऱ्यांनी पार पाडली. या कारवाईमुळे माणगाव व परिसरातील जुगार चालकांमध्ये एकच खळबळ उडाली आहे.
जाहिरात (Advertisement)
ही बातमी आवडल्यास नक्की शेअर करा!

संबंधित बातम्या (Related News)

माणगावमधील घरोशीवाडी येथे स्लॅब कोसळून दोन कामगारांचा मृत्यू

माणगाव तालुक्यातील घरोशीवाडी येथे जुन्या घराच्या दुरुस्तीचे काम सुरू असताना अचानक स्लॅब कोसळून झालेल्या दुर्घटनेत दोन कामगारांचा मृत्यू झाला. या घटनेमुळे रायगड जिल्ह्यात हळहळ व्यक्त होत आहे.

प्लॅटिनम गोदामाला भीषण आग; केमिकलच्या साठ्यामुळे स्फोटांचे सत्र, उरणमध्ये नागरिकांमध्ये भीतीचे वातावरण

उरण तालुक्यातील वेश्वी गावाजवळील प्लॅटिनम लॉजिस्टिक गोदामाला लागलेल्या भीषण आगीत ज्वलनशील केमिकलच्या साठ्यामुळे अनेक स्फोट झाले. या घटनेमुळे परिसरात भीतीचे वातावरण पसरले असून, गोदामातील अग्निसुरक्षा आणि परवान्यांच्या उच्चस्तरीय चौकशीची मागणी ग्रामस्थांकडून होत आहे.

दिवाळीचा आनंदोत्सव संपताच माहेरवाशिणींची सासरकडे परतीची लगबग; निरोपाच्या क्षणी उर दाटून आला

दिवाळीचा आनंदोत्सव आणि माहेरच्या आतिथ्याचा गोड सोहळा संपताच आता माहेरवाशिणींची सासरकडे परतीची लगबग सुरू झाली आहे. निरोपाच्या क्षणी डोळ्यात दाटलेल्या आठवणी आणि संसाराच्या जबाबदाऱ्यांनी माहेरवाशिणींच्या मनात हुरहूर निर्माण केल्याचे भावनिक चित्र पाहायला मिळत आहे.

कोलाड बाजारपेठेत धुळीचे साम्राज्य; वाहनचालक व व्यापारी त्रस्त

मुंबई-गोवा राष्ट्रीय महामार्ग ६६ वरील कोलाड बाजारपेठेत सर्व्हिस रोडच्या दुरवस्थेमुळे धुळीचे साम्राज्य पसरले आहे. या धुळीमुळे व्यापारी, वाहनचालक आणि नागरिकांचे आरोग्य धोक्यात आले असून, रखडलेल्या अंतर्गत रस्त्याचे डांबरीकरण किंवा सिमेंट काँक्रीटीकरण तातडीने करण्याची मागणी होत आहे.