विश्वास निकम
कोलाड : रोहा तालुक्यातील गोवे आदिवासी वाडी येथील इसम दौलत रामु वाघमारे हा गोवे गावाच्या हद्दीत शनिवार, दि. ७ सप्टेंबर २०२४ रोजी ४ वाजण्याच्या सुमारास रेल्वे ट्रॅकच्या बाजूला बकऱ्या चरण्यासाठी गेला असता रोहा बाजुकडून कोलाड बाजूकडे जाणाऱ्या मालगाडीने सदर इसमाला जोरदार धडक दिल्याने त्याच्या डोक्याला मोठी दुखापत झाल्यामुळे त्याचा मृत्यू झाला.
सदर अपघाताची माहिती मिळताच कोलाड पोलिस ठाण्याचे सहाय्यक पोलिस निरीक्षक नितीन मोहिते घटनास्थळी दाखल झाले. त्यांच्या मार्गदर्शनाखाली कोलाड पोलीस ठाण्याचे आबा गायकवाड अधिक तपास करीत आहेत.