विनायक पाटील
पेण : पेण पोलीस ठाणे हद्दीत दिवसाच्या घरफोडी, चोरीचा गुन्हा दाखल असलेल्या गुन्हेगारास अटक करण्याच्या सूचना रायगड पोलीस अधीक्षक सोमनाथ घार्गे, अप्पर पोलीस अधिक्षक अभिजित शिवथरे यांच्याकडून देण्यात आल्या होत्या.
दि. २६ / ११ / २०२४ रोजी १२.३० ते १५.३० वा. चे दरम्यान यांतील फिर्यादी जगन्नाथ कृष्णा ठाकुर (वय ५७ वर्षे रा. ठाकुर कॉम्प्लेक्स, चिंचपाडा रोड, सरकारी हॉस्पीटलच्या मागे पेण ता. पेण जि. रायगड) यांनी राहत्या बिल्डींगमध्ये दर्शनी भागी सरस्वतीची मुर्ती गेले २० वर्षापुर्वी स्थापन केली होती. सदर मुर्ती ही तळमजल्यावर असुन फिर्यादी हे पहिल्या मजल्यावर असल्याने त्यादरम्यान अनोळखी आरोपीत याने घराचे तळमजल्यावरील ग्रीलचा दरवाजा उघडा असल्याचा फायदा घेवुन त्या वाटे आत प्रवेश करून ९५,०००/- रु. किंमतीची पंच धातुची सरस्वतीची मुर्ती त्यावर १ किलो २५० ग्रॅम वजनाचा चांदीचा मुलामा दिलेला अंदाजे १५ ते १८ किलो वजनाची मुर्ती चोरी केलेबाबत पेण पोलीस ठाणे गुन्हा रजि. ३११ / २०२४ भारतीय न्याय संहिता २०२३ चे कलम ३०५ (अ) प्रमाणे गुन्हा दाखल करण्यात आला आहे. पोलीस निरीक्षक संदिप बागुल यांचे आदेशाने सदर गुन्ह्याचा तपास पोलीस हवालदार राजेंद्र भोनकर यांचेकडे देण्यात आला होता. सदर गुन्ह्याचा तपास उप विभागीय पोलीस अधिकारी गजानन टोम्पे यांच्या मार्गदर्शनाखाली व पोलीस निरीक्षक संदिप बागुल यांच्या सुचनांनुसार गुन्हे प्रकटीकरण कक्षाचे अधिकारी व अंमलदार हे करित होते.
पेण पोलीस ठाणेकडील गुन्हे प्रकटीकरण कक्षाचे अधिकारी व अंमलदार सदर गुन्ह्याचा तपास रोडवरिल सीसीटीव्ही फुटेज व गोपनिय माहीतीच्या आधारे कसोशिने करून गुन्हा उघडकिस आणण्यास यश आले आहे. सदर गुन्ह्यात आरोपीत तरूण विलास चव्हाण (वय २० वर्षे रा. आय. टी. आय. कॉलेज जवळची झोपडपट्टी पेण ता. पेण जि. रायगड) यास अटक करण्यात आली आहे. सदर गुन्ह्यातील आरोपीत याने तपासादरम्यान गुन्हा केल्याची कबुली दिली असुन त्याच्या ताब्यातुन घरफोडी, चोरी केलेली सरस्वतीची मुर्ती ९५,०००/- रु. किंमतीचा मुद्देमाल हस्तगत करण्यात आला आहे. सदर आरोपीत हा सराईत गुन्हेगार असुन आरोपीत विरुध्द यापुर्वी पेण व पनवेल पोलीस ठाण्यात विविध गुन्हे दाखल आहेत.
सदर गुन्हयाचा तपास गुन्हे प्रकटीकरण कक्षाचे पोसई समद बेग, सहा फौजदार राजेश पाटील, संतोष जाधव, पोह प्रकाश कोकरे, पोह अजिंक्य म्हात्रे, पोह राजेंद्र भोनकर, सुशांत भोईर, सचिन व्हसकोटी, पाटील, पोना अमोल म्हात्रे, पोशि गोविंद तलवारे, शिंगाडे यांनी केला.