विठ्ठल ममताबादे
उरण : यशश्री शिंदे प्रकरणामधून उरणकर सावरतात तोच उरण मोरा फड नं. 5 मध्ये वास्तव्यास असणाऱ्या 3 वर्षाच्या चिमुरडीवर तिच्या शेजारी राहणाऱ्या नराधमाने लैंगिक अत्याचार केल्याच्या घटनेने संपूर्ण उरण हादरून गेले आहे. लैंगिक अत्याचार करणाऱ्या आरोपीला कठोरात कठोर शिक्षा व्हावी अशी मागणी उरणच्या नागरिकांमधून होत असून सदरची घटना उरण मोरा येथील फड नं. 5 मोहन स्टोर, सिंडीकेट बँकेच्या जवळील डोंगरावर असणाऱ्या झोपडपट्टी परिसरात घडली आहे.
या कामी मुलीच्या आईने मोरा सागरी पोलीस ठाण्यात फिर्याद दिली असून फिर्यादीत तिने म्हटले आहे की, माझे पती, दोन मुलगे अनुक्रमे 10 व 9 वर्षाची दोन मुले, 3 वर्षाची मुलगी व सासरे असा परिवार एकत्रितपणे राहतो. 13 जानेवारीस मी मुलीला शेजारच्या आंगणवाडीत सकाळी 11 वाजण्याच्या सुमारास सोडली व दुपारी 1 वाजता तिला घरी आणली असल्याचे तिने आपल्या फिर्यादीमध्ये नोंदविले आहे.
त्यानंतर आई घरातील आई कपडे धुण्याघरात गेली. परंतु मुलगी अंगणात खेळण्यासाठी जाण्याकरिता रडू लागली. ती बाहेर जाऊ नये म्हणून दाराला प्लायवूड लाऊन अडकून ठेवले. मुलगी जोरजोरात का रडते त्यामुळे त्यांचा शेजारी राहणारा दिनेश नितेकर (50) हा तिथे आला व मुलगी रडण्याचे कारण त्यांनी विचारले व मुलीला त्यांनी खेळण्यासाठी अंगणात सोडले. काही वेळात आई काम आटोपून आली. अंगणात मुलगी दिसत नाही पाहून तिने दिनेश नितेकर याला मुली संदर्भात विचारण केली असता मुलगी गल्लीत खेळत असल्याचे त्याने सांगितले. आईने गल्लीत शोध घेतला परंतु मुलगी दिसत नसल्याने तिने दिनेश नितेकर यास पुन्हा विचारणा केली असता मुलगी संडासाच्या दरवाजाजवळ असल्याचे तो म्हणाला.
आई मुलीला आणण्यासाठी गेली असता मुलगी घाबरून आईला बिलगून जोरजोरात रडू लागली. आईने उचलून तिला घरी आणले. तिला ताप भरला म्हणून उरणमधील अभिनव चाईल्ड केअर क्लिनिकमध्ये नेले असता तेथी डॉ. अजय कोळी यानी तापावरऔषध देऊन घरी जाण्यास सांगितले. परंतु तीन दिवसानंतरही ताप उतरला नाही आणि मुलीने दिनेश काकाने शूच्या जागी हात लावल्याचे सांगितले. त्यामुळे मुलीला उरणमधील गाडे हॉस्पिटलमध्ये नेले असता डॉ. प्रीती गाडे यांनी तिची पूर्ण तपासणी करून गुप्त अंगावर जखमा असल्याचे लेखी पत्रच दिले. त्यानंतर आईच्या पाया खालची वाळू सरकली. तिने थेट मोरा सागरी पोलीस ठाणे गाठून याबाबत दिनेश निवेतकर याच्या विरोधात फिर्याद नोंदविली. आरोपीस पोलिसांनी ताब्यात घेतले आहे
मोरा सागरी पोलीस ठाण्यात भारतीय न्याय संहिता 2023 कलम 62(2), बालकांचे लैंगिक अपराधापासून संरक्षण अधिनियम 2012 कलम 4, बालकांचे लैंगिक अपराधापासून संरक्षण अधिनियम 2012 कलम 6 प्रमाणे गुन्हा दाखल करण्यात आला आहे. या संदर्भात मोरा सागरी पोलीस ठाण्याचे पोलीस अधिक तपास करीत आहेत.