घन:श्याम कडू
उरण : प्रवास सुखकर आणि जलद होण्यासाठी मुंबईत अटल सेतू तयार करण्यात आला आहे. सेतूवर अपघातासह आत्महत्याच्या देखील घटना घडल्या आहेत. अटल सेतूवरून एका ५० वर्षीय शिक्षकाने आत्महत्या करण्याचा प्रयत्न केला आहे. वैभव पिंगळे असे शिक्षकाचे नाव आहे. सकाळी वैभव चारचाकीतुन अटल सेतूवरून जात होते. मध्येच त्यांनी गाडी थांबवून आत्महत्येचा प्रयत्न केलाय. पोलीस वैभव पिंगळे यांचा शोध घेत आहेत.
अटल सेतूवर एक धक्कादायक घटना घडली आहे. एका शिक्षकाने आत्महत्येचा प्रयत्न केला आहे. वैभव पिंगळे असे ५० वर्षीय शिक्षकाचे नाव आहे. वैभव हे अलिबाग तालुक्यातील शिवाजीनगर कुर्डुस येथील रहिवासी असल्याची माहिती समोर आली आहे. त्यांनी आत्महत्या करण्याचा का प्रयत्न केला? याचा तपास पोलीस करीत आहेत.
वैभव पिंगळे आपल्या कारने सकाळी अटल सेतूवरून जात होते. अटल सेतूवरून जात असताना त्यांनी आपली कार थांबवली. कार थांबवल्यानंतर अटल सेतूवरून त्यांनी उडी घेत आत्महत्येचा प्रयत्न केला. सकाळी ९च्या सुमारास ही घटना घडली. पोलिसांना माहिती मिळताच तातडीने घटनास्थळी दाखल झाले. तसेच वैभव यांचा शोध पोलीस घेत आहेत. २०२४ सालीही असाच एक आत्महत्येचा प्रकार घडला होता. मुंबईवरून नवी मु्ंबईच्या दिशेनं येणार्‍या रस्त्यावर अटल सेतूवरून उडी मारून आत्महत्या करण्याचा प्रयत्न केला. त्या ५६ वर्षीय महिलेला शोधण्यात पोलिसांना यश आलं आहे. मी आत्महत्या करत नव्हते तर, देवांचे फोटो समुद्रात सोडत होते असं त्या महिलेनं सांगितलं.