विश्वास निकम
कोलाड : रोहा तालुक्यातील संभे येथे एकाच दिवशी पती व पत्नीचे निधन झाल्याची दुर्दैवी घटना घडली. रावजी दामा सानप (वय ७७) व निर्मला रावजी सानप (वय ७२) या दाम्पत्यांचे शुक्रवारी एकाच दिवशी निधन झाले. या घटनेमुळे संपूर्ण गावावर शोककळा पसरली आहे.
संसाराचा गाडा एकत्रित ओढणाऱ्या पती पत्नीचे एकाच दिवशी निधन झाले. शुक्रवार, दि. ११/४/२०२५ रोजी पती रावजी दामा सानप यांचे निधन झाले, त्यांचे अंत्यविधी सुरु असतांना त्यांच्या पत्नीचे दोन तासाच्या फरकाने निधन झाले. त्यांच्या पश्चात एक मुलगी, जावई, नातू व मोठा सानप परिवार आहे. त्यांचे दशक्रिया विधी रविवार, दि. २०/४/२०२५ तर उत्तरकार्य मंगळवार, दि. २२/४/२०२५ रोजी त्यांच्या संभे येथील निवास्थानी होणार आहेत.