मुंबई: महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्च २०२६ मध्ये घेण्यात आलेल्या इयत्ता बारावीच्या परीक्षेचा निकाल आज अधिकृतपणे जाहीर झाला. यंदा राज्याचा एकूण निकाल ८९.७९ टक्के लागला असून, मागील वर्षाच्या तुलनेत निकालात २.०९ टक्क्यांची घट पाहायला मिळत आहे.
राज्य मंडळाचे अध्यक्ष डॉ. त्रिगुण कुलकर्णी यांनी पत्रकार परिषदेत ही माहिती दिली. यावेळी शिक्षण आयुक्त संचिंद्र प्रताप सिंह आणि सचिव डॉ. दीपक माळी उपस्थित होते.
मुलींचे वर्चस्व: दरवर्षीप्रमाणे यंदाही निकालात मुलींनीच बाजी मारली आहे. मुलींचा निकाल ९३.१५ टक्के लागला असून, मुलांचा निकाल ८६.८० टक्के आहे. मुलींच्या निकालाची टक्केवारी मुलांपेक्षा ६.३५ टक्क्यांनी अधिक आहे.
कोकण विभाग अव्वल: ९४.१४ टक्क्यांसह कोकण विभागाने राज्यात प्रथम क्रमांक पटकावला आहे.
लातूर पिछाडीवर: राज्याचा सर्वात कमी निकाल लातूर विभागाचा (८४.१४%) लागला आहे.
नोंदणी: या वर्षी एकूण १४ लाख ३३ हजार ५८ विद्यार्थ्यांनी परीक्षेसाठी नोंदणी केली होती. ही परीक्षा १० फेब्रुवारी ते १८ मार्च २०२६ या कालावधीत पार पडली.
विभागनिहाय निकालाची टक्केवारी (एक दृष्टिक्षेप):
| विभाग | निकाल (टक्केवारी) |
| कोकण. | ९४.१४% (सर्वाधिक) |
| पुणे. | ९१.२५% |
| अमरावती. | ९०.९२% |
| नाशिक. | ९०.७२% |
| मुंबई. | ९०.०८% |
| कोल्हापूर. | ८९.९७% |
| छत्रपती संभाजीनगर. | ८८.६८% |
| नागपूर. | ८८.६७% |
| लातूर. | ८४.१४% (सर्वात कमी) |
विद्यार्थ्यांना आपला निकाल मंडळाच्या अधिकृत संकेतस्थळावर ऑनलाईन पाहता येणार आहे. निकाल जाहीर झाल्यामुळे आता पुढील पदवी प्रवेशाच्या प्रक्रियेला वेग येणार आहे.