घन:श्याम कडू
उरण : सिडकोच्या अतिक्रमण विभागाने उरण तालुक्यातील सारडे गावाजवळ असलेल्या गोदामावर कारवाई करून ते जमीनदोस्त केले आहे.
तालुक्यातील सारडे गावाजवळ कोणतीही परवानगी न घेता ७ ते ८ एकर जागेवर बेकायदेशीर गोदाम उभे केले होते. याची दखल सिडको प्रशासनाने घेत आज कारवाईचा बडगा उगारला. सिडको अतिक्रमण विभाग आज सकाळपासून सदर गोदामामधील बांधकाम जमीनदोस्त करीत होते. सिडको प्रशासनाने ठोस कारवाई केल्याबद्दल जनतेने स्वागत केले असून अशा प्रकारची ठोस कारवाई उरण परिसरात उभे असलेल्या बेकायदेशीर गोदामावर कारवाई करण्याची मागणी जोर धरू लागली आहे.