मुंबई : वांद्रे वर्सोवा सागरी सेतूला स्वातंत्र्यवीर सावरकर सागरी सेतू असं नाव देण्याचा निर्णय राज्य मंत्रिमंडळाच्या बैठकीत घेण्यात आला. तर मुंबई ट्रान्स हार्बर लिंकला (एमटीएचएल) अटलबिहारी वाजपेयी शिवडी नाव्हा शेवा अटल सेतू असं नाव दिलं जाईल. याचप्रमाणे राज्यात तब्बल सातशे ठिकाणी हिंदुहृदयसम्राट बाळासाहेब ठाकरे आपला दवाखाना सुरु केला जाणार आहे. यासाठी २१० कोटी रुपयांची तरतूद करण्यात आली आहे.
मंत्रिमंडळ बैठकीत घेण्यात आलेले निर्णय
- वर्सोवा वांद्रे सागरी सेतूला स्वातंत्र्यवीर सावरकर यांचे नाव
- एमटीएचएलला अटलबिहारी वाजपेयी स्मृती शिवडी न्हावा शेवा अटल सेतू असे नाव
- राज्यात ७०० ठिकाणी हिंदुहृद्यसम्राट बाळासाहेब ठाकरे आपला दवाखाना, २१० कोटी रुपयांची तरतूद
- भामा आसखेड प्रकल्पाचे कालवे रद्द, तीन तालुक्यातील शेतकऱ्यांना लाभ
- महात्मा ज्योतिराव फुले जन आरोग्य योजना आणि आयुष्यमान भारत प्रधानमंत्री आरोग्य योजना एकत्रित. दोन कोटी कार्ड्स वाटणार पाच लाखांपर्यंत आरोग्य संरक्षण मिळणार
- संजय गांधी निराधार योजना आणि श्रावण बाळ योजनेची रक्कम १००० रूपयांवरून १५०० रुपये
- आता असंघटित कामगारांच्या कल्याणासाठी महामंडळ. करोडो कामगारांना लाभ मिळणार
- नानाजी देशमुख कृषि संजीवनी प्रकल्पाचा दुसरा टप्पा विदर्भातील जिल्ह्यांचा समावेश (कृषि विभाग)
- मराठवाडा मुक्तीसंग्रामाचे भव्य स्मारक छत्रपती संभाजीनगर येथे उभारणार. १०० कोटींच्या खर्चाला मान्यता
- पूर प्रतिबंधासाठी राज्यातील १६४८ किमीच्या नद्यांमधील गाळ काढणार
- मुंबई मेट्रो-३ मार्गासाठी धारावीचा भूखंड
- भूखंडाच्या हस्तांतरणातील अनर्जित रकमेसाठी सुधारित धोरण
- मुखेड, उमरखेड, चिखलदरा, महाड, हरसूल,वरूड, फलटण येथे न्यायालये
- राज्यातील अभियांत्रिकी महाविद्यायांमध्ये अद्ययावत उत्कृष्टता केंद्र
- सूक्ष्म, लघु आणि मध्यम उद्योगांच्या क्लस्टरला प्रोत्साहन, पायाभूत सुविधांसाठी सिडबीशी करार
- बीडीडी चाळ पुनर्विकासातील झोपडीधारक, स्टॉलधारकांची पात्रता निश्चित
- जालना ते जळगाव नवीन ब्रॉडगेज रेल्वे मार्गासाठी ३५५२ कोटी खर्चाला मान्यता
- राज्यात ९ ठिकाणी नवीन शासकीय महाविद्यालये, ४३६५ कोटी खर्चाला मान्यता
- बुलढाणा येथे शासकीय कृषि महाविद्यालय
- दीनदयाळ अंत्योदय योजना आता १४३ नागरी स्थानिक स्वराज्य संस्थामध्ये राबवणार
- दारिद्र्यरेषेवरील पालकांच्या मुलांना देखील मोफत गणवेश देणार. १२ लाख विद्यार्थ्यांना लाभ
- देवळा, वैजापूर तालुक्यातील बंधाऱ्यांना मान्यता
- चांदुर बाजार तालुक्यात लिंबूवर्गीय फळांसाठी सिट्रस इस्टेट
- सर जे. जे. कला आणि वास्तुशास्त्र महाविद्यालय आता अभिमत विद्यापीठ
- गंगापूर उपसा सिंचन योजनेस मान्यता
- ग्रामपंचायत निवडणुकीत जात वैधता प्रमाणपत्र सादर करण्यास एक वर्षाची मुदतवाढ
- पाकिस्तानने पकडलेल्या मासेमाऱ्यांच्या कुटुंबीयांना उदरनिर्वाहासाठी मदत करणार