गुरुवार, १९ नोव्हेंबर २०२६ | सामान्य जनतेचे हक्काचे व्यासपीठ
ब्रेकिंग न्यूज

माणगावमध्ये राष्ट्रवादी काँग्रेसचा शक्तिप्रदर्शनाचा जाहीर मेळावा; विविध पक्षांतील नेत्यांच्या पक्षप्रवेशाची दाट शक्यता

माणगाव येथे शुक्रवार, २० नोव्हेंबर रोजी राष्ट्रवादी काँग्रेसचा जाहीर मेळावा आयोजित करण्यात आला असून, यामध्ये विविध पक्षांतील नेत्यांचा पक्षप्रवेश होणार आहे. तसेच खासदार सुनील तटकरे यांच्या उपस्थितीत होणाऱ्या या मेळाव्यात भुयारी गटार योजनेवरून विरोधकांना प्रत्युत्तर दिले जाणार आहे.
मुख्य संपादक
बुधवार, १८ नोव्हेंबर २०२६ | संध्याकाळी ७:१४ ● ३३९ वाचन (Views)
माणगावमध्ये राष्ट्रवादी काँग्रेसचा शक्तिप्रदर्शनाचा जाहीर मेळावा; विविध पक्षांतील नेत्यांच्या पक्षप्रवेशाची दाट शक्यता
जाहिरात (Advertisement)

खासदार सुनील तटकरे, मंत्री आदिती तटकरे व आमदार अनिकेत तटकरे यांची प्रमुख उपस्थिती

माणगाव (सलीम शेख)

माणगावच्या राजकीय वर्तुळात विविध पक्षांतील पदाधिकारी, कार्यकर्ते व नगरसेवकांच्या पक्षप्रवेशाच्या पार्श्वभूमीवर शुक्रवार, २० नोव्हेंबर रोजी सायंकाळी ६ वाजता येथील मराठा समाज भवनाच्या सभागृहात राष्ट्रवादी काँग्रेस पक्षाचा जाहीर मेळावा आयोजित करण्यात आला आहे. या मेळाव्याकडे संपूर्ण तालुक्याचे राजकीय लक्ष लागले आहे.

जाहिरात (Advertisement)

या मेळाव्याला रायगडचे खासदार तथा प्रदेशाध्यक्ष सुनील तटकरे, महिला व बालविकास मंत्री आदिती तटकरे आणि आमदार अनिकेत तटकरे यांची प्रमुख उपस्थिती असणार आहे. अलीकडेच झालेल्या शिवसेनेच्या कार्यक्रमातील विधानांवरून तापलेल्या राजकीय वातावरणामुळे या मेळाव्यात आरोप-प्रत्यारोपांचे पडसाद उमटण्याची शक्यता वर्तवली जात आहे.

भुयारी गटार योजनेवरून विरोधकांना प्रत्युत्तर

मेळाव्याच्या तयारीसाठी बुधवार, १८ नोव्हेंबर रोजी अशोक दादा साबळे विधी महाविद्यालयात पक्षाची महत्त्वाची बैठक पार पडली. यावेळी पक्षाचे प्रवक्ते ॲड. राजीव साबळे यांनी, खासदार सुनील तटकरे यांच्या सातत्यपूर्ण प्रयत्नांतून माणगाव शहरासाठी जागतिक बँकेच्या माध्यमातून १५७ कोटी रुपयांची महत्त्वाकांक्षी भुयारी गटार योजना मंजुरीच्या अंतिम टप्प्यात असल्याचे स्पष्ट केले. तसेच, विरोधकांकडून या योजनेबाबत पसरवल्या जाणाऱ्या अफवांना नागरिकांनी बळी पडू नये, असे आवाहन त्यांनी केले. या मेळाव्यात होणाऱ्या पक्षप्रवेशामुळे स्थानिक राजकारणात नवीन समीकरणे तयार होण्यासोबतच आगामी निवडणुकांच्या दृष्टीने पक्षसंघटन मजबूत करण्याबाबत वरिष्ठ नेते मार्गदर्शन करणार आहेत. मेळाव्याला मोठ्या संख्येने उपस्थित राहण्याचे आवाहन ॲड. राजीव साबळे व तालुकाध्यक्ष काकासाहेब नवगणे यांनी केले आहे.
जाहिरात (Advertisement)
ही बातमी आवडल्यास नक्की शेअर करा!

संबंधित बातम्या (Related News)

उरणमध्ये हातचलाखी करून ८१ वर्षीय वृद्धाची फसवणूक; सव्वा लाखांचे दागिने लांबवले

उरणमधील वहाळ गावात हातचलाखी करून एका ८१ वर्षीय वृद्धाची सव्वा लाखांहून अधिक किमतीची सोन्याची चैन आणि अंगठी लांबवल्याची घटना घडली असून, याप्रकरणी उलवा पोलीस ठाण्यात गुन्हा दाखल करण्यात आला आहे.

दिवेआगरचे सरपंच विजय तोडणकर अडचणीत; निवडणूक प्रतिज्ञापत्रात संपत्ती लपवल्याप्रकरणी गुन्हा दाखल करण्याचे प्रशासनाचे आदेश

दिवेआगर ग्रामपंचायतीचे सरपंच विजय तोडणकर यांच्यावर निवडणूक प्रतिज्ञापत्रात संपत्ती लपवल्याप्रकरणी श्रीवर्धन तहसील कार्यालयाने गुन्हा दाखल करण्याचे आदेश दिले आहेत. माणगाव हद्दीतील फ्लॅटची माहिती लपवल्याने रायगडच्या राजकीय वर्तुळात खळबळ उडाली आहे.

अलिबागमध्ये वाहतूक कोंडीमुळे रुग्णवाहिका रखडल्याने चिमुरड्याचा मृत्यू

अलिबाग-बेलकडे मार्गावर सुरू असलेल्या रस्त्याच्या कामामुळे झालेल्या भीषण वाहतूक कोंडीत रुग्णवाहिका अडकल्याने उपचारास उशीर झाला. यामुळे फुगा गिळल्याने प्रकृती गंभीर झालेल्या बामणगाव येथील अवघ्या १ वर्ष ८ महिन्यांच्या आरांश ठाकूर या चिमुरड्याचा दुर्दैवी मृत्यू झाला असून, प्रशासनाच्या ढिसाळ नियोजनाविरोधात तीव्र संताप व्यक्त होत आहे.

रोह्यातील पक्षप्रवेश ही रायगडमधील नव्या राजकीय संघर्षाची नांदी ठरणार : मंत्री भरत गोगावले

रोहा येथील भव्य पक्षप्रवेश सोहळ्यात राष्ट्रवादी काँग्रेसच्या स्थानिक नेत्यांसह शेकडो कार्यकर्त्यांनी शिवसेनेत (शिंदे गट) प्रवेश केला. हा पक्षप्रवेश केवळ पक्षांतर नसून रायगडच्या राजकारणात नव्या संघर्षाची नांदी ठरेल, असा थेट इशारा मंत्री भरतशेठ गोगावले यांनी विरोधकांना दिला.