केसांपासून स्नायूंपर्यंत शरीराच्या अनेक भागांसाठी प्रथिने आवश्यक असतात.शरीराच्या वाढीसाठी आणि निरोगी ठेवण्यासाठी त्यांची गरज असते. डाळी, दूध, मांस, पोल्ट्री आणि सीफूड हे प्रथिनांचे स्रोत आहेत हे तुम्हाला माहीत असेल, पण काही भाज्यांमध्येही प्रथिने भरपूर असतात हे तुम्हाला माहीत आहे का? मांस, मासे आणि अंडी यांसारखे पदार्थ प्रथिनांचे चांगले स्त्रोत आहेत, परंतु अनेकांना हे माहितच नाही की अनेक हिरव्या भाज्यांमध्ये प्रथिने देखील भरपूर असतात.
न्युट्रिशनिस्ट आणि डाएटिशियन शिखा अग्रवाल शर्मा यांच्या मते, इतर भाज्यांमध्येही प्रथिने असतात, परंतु आम्ही तुम्हाला आज अशा भज्यांबाबत सांगणार आहोत ज्यात जास्त प्रथिने असतात. प्रथिनांच्या व्यतिरिक्त, शरीराच्या चांगल्या कार्यासाठी इतर सर्व पोषक घटक देखील या भाज्यांमध्ये आढळतात.
हिरवे वाटाणे
एक कप मटारमध्ये 8 ग्रॅम प्रथिने असतात. याव्यतिरिक्त, हे फायबरचा एक चांगला स्रोत आहे, एक कप मटार दैनंदिन गरजेच्या 35% भाग पूर्ण करते. रात्रीच्या जेवणात पास्ता, फ्राई किंवा सूपमध्ये मटार घालून चव आणि पोषण दोन्ही तुम्ही वाढवू शकता.
पालक
दुसऱ्या क्रमांकाची सर्वाधिक प्रथिनयुक्त भाजी असण्यासोबतच पालकामध्ये इतरही अनेक पोषक घटक असतात. एक कप पालकमध्ये 6 ग्रॅम प्रथिने असतात. त्यात व्हिटॅमिन ए, व्हिटॅमिन के आणि व्हिटॅमिन सी सारख्या पोषक तत्वांचा समावेश असतो, जे रोगप्रतिकार शक्ती मजबूत करण्यास, डोळ्यांचे संरक्षण करण्यास आणि ब्लड सर्क्युलेशन सुधारण्यास मदत करतात.
स्वीट कॉर्न
स्वीट कोर्न देखील प्रथिनांचा एक उत्तम स्त्रोत म्हणून ओळखले जाते. एक कप स्वीट कोर्न मधून शरीराला 5 ग्रॅम प्रथिने मिळू शकतात. म्हणून डॉक्टर सुद्धा आवर्जून प्रथिनांसाठी स्वीट कोर्नचा आहारात समावेश करायला सांगतात.
मशरूम
मशरूम केवळ स्वादिष्टच नाहीत तर त्यात अनेक भाज्यांपेक्षा जास्त प्रथिने देखील असतात. एक कप शिजवलेल्या मशरूममधून सुमारे 4 ग्रॅम प्रथिने मिळतात. याव्यतिरिक्त, मशरूममध्ये व्हिटॅमिन बी भरपूर प्रमाणात असते. अतिनील प्रकाशाखाली उगवलेल्या मशरूममध्ये व्हिटॅमिन डी देखील असते.
ब्रसेल्स स्प्राउट्स
एक कप ब्रसेल्स स्प्राउट्समध्ये 4 ग्रॅम प्रथिने असतात. ब्रसेल्स स्प्राउट्समध्ये फायबर आणि प्रथिने तसेच अनेक जीवनसत्त्वे आणि पोषक घटक असतात ज्यामुळे तुम्हाला तृप्त वाटते आणि उत्तम पोषण मिळते. मानसिकदृष्ट्या निरोगी राहण्यापासून कर्करोगाशी लढा देण्यापर्यंत आणि रक्तदाब कमी करण्यापर्यंत त्यांचे अनेक फायदे आहेत.
शतावरी
शतावरी ही प्रथिनेयुक्त आणि कमी कार्ब असलेली भाजी आहे ज्याचे अनेक पौष्टिक फायदे आहेत. हे फोलेट आणि व्हिटॅमिन ए चा एक उत्तम स्रोत आहे, जे पेशींच्या वाढीसाठी, दृष्टी आणि निरोगी त्वचेसाठी महत्त्वपूर्ण आहेत. एक कप शतावरीमध्ये 4.3 ग्रॅम प्रथिने असतात.
आर्टिचोक
इतर अनेक भाज्यांप्रमाणे, आर्टिचोकमध्ये देखील प्रथिने, फायबर आणि इतर अनेक पोषक असतात. एक कप आर्टिचोकमध्ये 4.8 ग्रॅम प्रथिने असतात. आर्टिचोक ही एक स्वादिष्ट भाजी आहे जी तुम्ही तुमच्या आहारात समाविष्ट करू शकता.
केल
केल हे पोषक तत्वांचे पॉवरहाऊस मानले जाते आणि त्याचे प्रभावी पौष्टिक प्रोफाइल हा दावा सिद्ध करते. यामध्ये अँटिऑक्सिडंट्स, जीवनसत्त्वे आणि पोषक तत्वे भरपूर प्रमाणात असतात. एक कप केलमध्ये 3.5 ग्रॅम प्रोटीन असते. याशिवाय बटाटा आणि एवोकॅडोमध्येही प्रथिने चांगल्या प्रमाणात असतात.
Disclaimer: आरोग्य विषयक लेखात दिली गेलेली माहिती प्राथमिक स्वरुपाची आहे. हि माहिती वैद्यकीय सल्ल्याचा पर्याय होऊ शकत नाही या माहितीचा उपयोग करण्यापूर्वी आपण डॉक्टर अथवा वैद्यकीय तज्ञाकडून खात्री करून घ्यावी.