रायगड जनोदय ऑनलाईन
आजकाल सर्वजण ग्रीन टी प्यायला प्राधान्य देत आहेत. कारण वजन वाढल्याने अनेक आजार होत असल्याने आता अनेकजण वजन कमी करण्याच्या मागे लागले आहेत. त्यामुळे ग्रीन टी प्यायल्याने वजन कमी होते का ? याची सर्वांना उत्सुकता असते. यावर तज्ज्ञांनी काय म्हटले आहे? ग्रीन टी पिणे खरेच आरोग्यासाठी चांगले आहे का? केवळ वजन कमी करण्यासाठीच नव्हे तर अनेक आजारांवर ग्रीन टी पिणे फायद्याचे असते असे म्हटले जात आहे. तर पाहूयात ग्रीन टी प्यायल्याने खरोखरच वजन कमी होते का? फॅटी लिव्हरवर उपचार आणि स्कीनवर ग्लो येण्यासाठी आणि महत्वाचे म्हणजे वजन कमी करण्यासाठी अनेक जण ग्रीन टीला प्राधान्य देत आहेत. आरोग्यासाठी देखील ग्रीन टीचे अनेक लाभ होत असतात. परंतू ग्रीन टी पिण्याचे देखील काही नियम आहेत. काय आहेत नियम पाहूयात…
ग्रीन टीत कोणते न्यूट्रिएंट्स आढळतात
आजकाल सर्वजण आरोग्याविषयी जागरुक होत आहेत. ग्रीन टी पिण्याचे चलन अलिकडे वाढत आहे. या संदर्भात काही तज्ज्ञांनी सांगितले आहे की ग्रीन टी खरोखरच वजन कमी करत असते. परंतू काही लोकांनी ग्रीन टी पिल्याने त्यांना फायद्याऐवजी नुकसान होण्याचा धाका असतो. ग्रीन टीमध्ये अनेक पोषक तत्वं असतात. जी आरोग्याला फायदेमंद असतात. या मॅगनिझ, पोटॅशियम, कॉपर,आयर्न, सोडियम,झिंक, कॅल्शियम, फॉस्फोरस आणि मॅग्नेशियम ग्रीन टीमध्ये असतात. तसेच ग्रीन टीमध्ये कॅटेचीन आणि पॉलीफेनॉल्स सह अनेक एंटीऑक्सिडेंट्स आढळतात.आपले आऱोग्य चांगले ठेवण्यासाठी ते आवश्यक असतात.
ग्रीन टी आरोग्यासाठी किती लाभदायक
कधीतरी एक किंवा दोन कप ग्रीन टी प्यायल्याने आपल्याला ग्रीन टीचा खास लाभ मिळत नाही. दररोज जर ग्रीन टी प्यायला सुरुवात केली तर निश्चितच आश्चर्यकारक फायदे मिळतात. ग्रीन टीत आरोग्याच्या अनेक समस्यांना कमी करु शकते असे तज्ज्ञांचे मत आहे.
ग्रीन टी प्यायल्याने वजन कमी होते ?
वजन कमी करण्यासाठी ग्रीन टी उपयोगी असते. यातील कॅटेचीन नामक एंटीऑक्सिडेंट घटक शरीरातील फॅट बर्न करण्याची प्रक्रीया वेगवान करते, याशिवाय ग्रीन टीत कार्ब्स, फॅट आणि शुगरचे प्रमाण अजिबात नसल्यासारखे असते. यामुळे ग्रीन टीने वजनवाढण्याचा कोणताही धोका नसतो. केवळ ग्रीन टी प्यायल्याने मात्र वजन कमी होते असे अजिबात नाही यासाठी तुम्हाला तुमचा संतुलित आहार आणि नियमित व्यायाम देखील महत्वाचा आहे.
ग्रीन टीत कोणते पदार्थ टाकावेत…
अनेकांना ग्रीन टीची तुरट कडू चव आवडत नाही. त्यामुळे याला चव येण्यासाठी तुम्ही यात मध, आले, लिंबू, तुलस,लवंग,इलायची, दालचिनी, हळद किंवा पुदीना घालू शकता.यातील एकावेळी एक किंवा वस्तू टाकाव्यात अन्यथा ग्रीन टी काढा बनेल..